Gisting í Hrísey

Wave Guesthouse býður upp á gistingu í 4 tveggja manna herbergjum með uppábúnum rúmum. Allur almennur búnaður er til staðar. Sameiginleg snyrting, setustofa og eldhús.

​Húsið var áður prestssetur Hríseyinga og var byggt árið 1935 af Hreini Pálssyni. Nýlega var farið í breytingar og húsið fékk andlitslyfingu þegar ákveðið var að opna gistingu í húsinu. Hrísey er sjávarþorp og þar sem eigendurnir hafa tengingu við sjó og sjómennsku var ákveðið að hafa sjávar- og sjómannsþema í Wave Guesthouse.   

Þú getur bókað gistingu í stökum herbergjum í gegnum bókunarform á netinu eða sent okkur tölvupóst til að bóka allt húsið.

Bóka herbergi

Wave Guesthouse er staðsett í Hrísey, Perlu Eyjafjarðar sem er rómuð fyrir kyrrð og náttúrufegurð. 

Í Hrísey er fjölbreytt þjónusta og afþreying í boði meðal annars sundlaug, veitingahús, kaffihús, verslun, gallerí, safn Hákarla Jörundar, Holt - Hús Öldu Halldórsdóttur, traktorsferðir, fuglaskoðun, fuglaskoðunarhús, merktar gönguleiðir, orkulind og frisbígolf.
​
Nánari upplýsingar um Hrísey má finna á hrisey.is